सङ्घीय नेपालको मधेश प्रदेशमा अवस्थित बारा जिल्ला एक तराई जिल्ला हो । जुन देशको केन्द्रीय राजधानी काठमाण्डौँ देखि करिब २०० कि.मि.र प्रदेश राजधानी देखि करिब १०० कि.मि.को दुरीमा अवस्थित छ । यस जिल्लाको सदरमुकामको नाम कलैया रहेको छ भने कुल क्षेत्रफल १२७२.४९ वर्ग कि.मि. रही हाल ४ सङ्घीय निर्वाचन क्षेत्र, ८ प्रदेश निर्वाचन क्षेत्र र १६ स्थानीय तह रहेका छन् । यस जिल्लाको सिमाना पूर्वमा रौतहट जिल्ला, पश्चिममा पर्सा जिल्ला, उतरमा मकवानपुर जिल्ला तथा दक्षिण छिमेकी राष्ट्र भारतको बिहार राज्यको पूर्वी चाम्पारण जिल्ला रहेको छ । जिल्लाको कुल क्षेत्रफल भित्रको न्यूनतम तापक्रम ५ डिग्री सेल्सियस देखि अधिकतम तापक्रम ४५ डिग्री सेल्सियसको मापन रहेको पाईन्छ ।